Ամուսնական համատեղելիության հորոսկոպ

loading...
 

Եթե ձեր ծննդյան օրը զույգ է (օրինակ' 2, 4, 6 և այլն), և ձեր զուգընկերոջը նույնպես, ուրեմն ձեր բախտը բերել է: Կարող եք առանց մտավախությունների ընտանիք կազմել. փոխըմբռնումն ու աջակցությունն ապահովված են: Ձեր ցանկությունները, համային նախասիրությունները, ընկերների գնահատականները համընկնում են: Եթե նույնիսկ ծագում են վաղանցիկ վեճեր, դրանք բոլոր դեպքերում լուծվում են' չհասնելով կողմնակի մարդկանց օգնությանը: Եթե ձգտում եք հարաբերությունների կայունության, երկար և խաղաղ շփումների, ավելի լավ «համախոհ» չեք գտնի:

 

Զույգի փոխհարաբերություններում հակառակ պատկերը կձևավորվի այն դեպքում, եթե զույգերից մեկը ծնվել է շաբաթվա զույգ, իսկ մյուսը' կենտ օր: Ծանոթության առաջին ամիսներին զույգերին տանջում են կասկածները' ինչպես ճիշտ հասկանալ զուգընկերոջ այս կամ այն խոսքը, վարքը կամ արարքը: Եթե նույնիսկ նրանց մեջ սեր է արթնանում, դա, միևնույնն է, անհանգիստ զգացմունք է' մշտական վեճերով և հաշտություններով: Նրանց միությունն անկայուն կլինի. նույնիսկ 10-20 տարի միասին ապրելով նրանք չեն կարողանա վստահաբար ասել, որ լավ են միմյանց հասկանում: Դա վերաբերում է թե´ կյանքի հանդեպ ունեցած հայացքներին, թե´ սննդի և հագուստի հարցում ունեցած նախասիրություններին: Ոմանց դա կարող է դուր գալ, քանի որ երևակայության, գաղտնիքներ բացահայտելու մշտական հնարավորություն է մնում. ողջ կյանքում երկրորդ կեսը մնում է չբացահայտված «տիեզերք», իսկ դա, ինչպես հայտնի է, գրգռում է հետաքրքրությունը:
Սակայն որոշ բացառությունների մասին, այնուամենայնիվ, արժե խոսել: Սա վերաբերվում է այն սիրահար զույգերին, որոնցից մեկը ծնվել է ամսի 7-ին, ինչպես նաև' 14-ին, 21-ին կամ 28-ին (հասկանալի է' բազմակի 7-երի): 7-ը բավականին ուժեղ թիվ է. վերոնշյալ ամսաթվերին ծնվածները միշտ առավելություն ունեն. նրանք միշտ առաջատար են այդ միություններում: Նրան պարզապես անհնար է ենթարկեցնել, վերադաստիարակել: Մնում է միայն լիցքաթափվել և ընդունել նրա առաջնորդողի որակները ինչպես ընտանեկան կյանքում, այնպես էլ աշխատավայրում: Եթե երկու կեսերի ծննդյան օրերում առկա է 7 թիվը, ապա այն լավ ապագա է խոստանում:

 

Մնաց ևս մեկ, բավականին ուժեղ ամսաթիվ' 29-ը: Ամսվա 29-ին ծնվածները մեծ ճակատագրի կրողներ են. բարձր պաշտոններ կամ գիտական բացահայտումներ, համաժողովրդական սեր... Սովորաբար նրանց կյանքը դառնում է հասարակության ձեռքբերումը: 18 ամսաթիվը մասնագետներն անվանում են «սատանայական» քանի որ դրանում առկա է երեք 6, միաժամանակ' արիստոկրատական:
Ամսի 18-ին ծնվածները ողջ կյանքում ապահոված կլինեն, երջանիկ, ինչը նախանձ կառաջացնի շրջապատում: Նրանք նշանակալի արդյունքների են հասնում ուսման մեջ, սպորտում, կարիերայում, բավականին հաջող գործարքներ են կնքում: Միայն թե պատահական չէ, որ այս թիվը «սատանայական» են համարում, քանի որ այն մշտական վտանգ է սպառնում առողջությանը:
Ամեն դեպքում, ի հեճուկս հոռետեսների, կատարյալ հարաբերություններ գոյություն ունեն: Համատեղելիության բոլոր գաղտնիքներն իմացող աստղաբանները բացահայտում են կատարյալ զույգի փնտրտուքների նրբությունները:

 

Խոյ
Կյանքի ուղու առաջին կեսին ձեզ ավելի հեշտ է գտնել իդեալին Կրակի տարերքի հարազատ նշանների' Առյուծների և Աղեղնավորների շրջանում: Ընդ որում' Առյուծները պետք է զբաղված լինեն ստեղծագործ աշխատանքով և չհավակնեն լիարժեք առաջնորդության: Իսկ Աղեղնավորները մշտապես գործուղումներում կլինեն:
Կյանքի երկրորդ հատվածում կատարյալ միություն կստեղծեք նրանց հետ, ովքեր ծնվել են Երկվորյակների և Ջրհոսի համաստեղության տակ: Թեպետ միությունը հաջող կլինի միայն այն դեպքում, եթե երկրորդ կեսի համար դա արդեն առաջին ամուսնությունը չէ:

Ցուլ
Ձեր որոնումներն ուղղեք Հողի տարերքի նշանների ուղղությամբ' Կույսի և Այծեղջյուրի: Ճիշտ է, Կույսերը պետք է սեփական բիզնես ունենան և չընկղմվեն կենցաղը դասավորելու մեջ: Իսկ Այծեղջյուրը պետք է մեծ լինի 5-10 տարով:
40 տարեկանից հետո ձեր իդեալը միանգամայն կարող է լինել Խեցգետինը' վաղեմի ընկեր, ում պատմել եք ընտանեկան, սեռական գաղտնիքներ: Կամ էլ Ձկները, որոնց դեռ հարկավոր է ճիշտ գայթակղել:

Երկվորյակներ
Կյանքի առաջին կեսին ձեր երկրորդ կեսին անպայման կգտնեք Ջրհոսների և Կշեռքների շրջանում: Կշեռքների հետ շատ հեշտ կշփվեք, իսկ Ջրհոսները դեռ առաջին հանդիպումից պետք է սովորեն դողալ ձեր' առավել վաղ ձևավորված հարաբերությունների վրա:
Հետագայում իրավիճակը արմատապես կփոխվի: Ձեզ անհրաժեշտ կլինի բացառապես հպարտ, կամային և անկախ Առյուծը' իր հսկայական նկրտումներով կամ լրիվ ինքնաբավ Խոյը, որը Ձեզ կարևոր մարդու զգացում կհաղորդի:

Խեցգետին
Երիտասարդ տարիքում հատկապես ուշադրություն դարձրեք Կարիճի և Ձկների վրա: Միայն թե Կարիճին պետք չէ առանձնապես վստահել, եթե նույնիսկ միասին եք աշխատում: Ձկների հետ հնարավոր է երկարատև միություն, որի հիմքը հուզական խորը կապվածությունն է:
Հասուն տարիքում ձեզ կերջանկացնեն Կույսն ու Ցուլը: Առաջին հերթին Ցուլը պետք է առավել քան պատկառելի կարողություն ունենա, իսկ Կույսը իրավունք չունի հավակնելու ընտանեկան բյուջեի:

Առյուծ
Մինչև երեսունհինգ տարեկանը ձեր երկրորդ կեսի կատարյալ գծերը տիրապետում են Խոյն ու Աղեղնավորը: Ամեն դեպքում Խոյի հետ պետք է զգույշ լինել. երկու զուգընկերներն էլ վտանգավոր կապերի հակումներ ունեն: Աղեղնավորը մշտապես կպատմի հրաշալի ծրագրերի մասին, որոնք, սակայն, պետք է դուք իրագործեք:
Կյանքի մայրամուտում հնարավորություն կունենաք ճաշակել երջանկությունը Երկվորյակների և Կշեռքի հետ միությունում: Հստակ պայմանների դեպքում, որ Երկվորյակները կարող են լինել ձեր դասընկերները, ովքեր չէին գնահատվել առավել երիտասարդ տարիքում, իսկ Կշեռքի նշանի տակ ծնվածը կարող է ձեր առաջին սերը լինել:

Կույս
Առաջին կեսում ջանացեք խուսափել բոլոր թեկնածություններից' բացառությամբ, իհարկե, Ցուլի և Այծեղջյուրի' Հողի տարերքի նշանների: Ցուլը վաղվա օրվա հանդեպ ամրություն և վստահություն կներշնչի: Այծեղջյուրը ձեզ կուղղորդի կարիերային աճի, եթե, իհարկե, ինքը հասել է դրան:
Կյանքի երկրորդ կեսում հարաբերություններն առավել հետաքրքիր կլինեն Խեցգետնի և Կարիճի հետ, միայն թե այդ ընթացքում Խեցգետինը պետք է լավ տուն կամ բնակարան ունենա, իսկ Կարիճը մինչ այդ մի լավ աջ ու ձախ գնա և մարի սեռական բնույթի հետաքրքրությունները:

Կշեռք
Կյանքի զարթոնքում նախապատվությունը տվեք Երկվորյակներին և Ջրհոսին' հորոսկոպի «օդային» նշաններին: Միայն թե Երկվորյակները չթողնեն ուսումը: Ջրհոսների հետ հարկավոր կլինի «կիսել» նրա տարբեր հետաքրքրությունները:
Կյանքի երկրորդ կեսին համապատասխան կլինեն Առյուծն ու Աղեղնավորը: Ընդսմին, Առյուծը խաղատներ այցելելու սովորություն չպետք է ունենա: Իսկ Աղեղնավորը պետք է սոցիալական բարձր մակարդակ ունենա:

Կարիճ
Կյանքի առաջին կեսին աշխատեք ուշադրություն դարձնել Խեցգետնի և Ձկների վրա: Խեցգետինը հարուստ չպետք է լինի, չնայած ինտելիգենտ ծնողները չեն խանգարի: Իսկ Ձկների մեջ ուշադրություն դարձրեք նրանց առողջությանը. թույլ Ձկները շուտով կհոգնեն բուռն կրքերից:
Կյանքի երկրորդ կեսին ձեր իդեալը կդառնան ինչպես Կույսը, այնպես էլ Այծեղջյուրը: Գերազանց է, եթե Կույսը ղեկավար պաշտոն զբաղեցնի, դրանով հանդերձ' չհրամայելով տանը: Իսկ Այծեղջյուրը շատ ժամանակ է հատկացնում ծնողներին:

Աղեղնավոր
Կյանքի ուղու զարթոնքին Ձեր ճակատագիրը Խոյի ու Առյուծի շարքերում է' հոգով ձեզ մոտ «կրակե» նշանում: Հետևեք, որ Խոյը բռնկուն չդառնա, իսկ Առյուծը չափազանց գեղեցիկ չլինի, քանի որ դա սպառնում է հաճախակի դավաճանություններով:
Քառասուն տարեկանից հետո ուշադրություն դարձրեք Կշեռքի համաստեղության տակ ծնվածներին, հատկապես եթե նրանք երազում են երկարատև լուրջ սիրավեպի մասին կամ Ջրհոսին, միայն եթե նա արդեն պատրաստ է ընտանեկան հարաբերությունների:

Այծեղջյուր
Կյանքի տարիների զարթոնքին ձեզ կյանքի ուղեկից ընտրեք տնակյաց Ցուլին և Կույսին' իրենց «հողային» աշխարհայացքով: Ցուլը միշտ ձգտում է զբաղվել տնային գործերով, քան մասնագիտական գործունեությամբ: Կույսն էլ չպետք է աշխատավայրում ձեզանից ավելի երկար մնա:
Կյանքի երկրորդ կեսին ձեզ առավել հարմար կլինեն Կարիճն ու Ձկները: Սակայն միայն այն դեպքում, եթե Կարիճը արդեն փորձառու է սեռական կյանքում, իսկ Ձկները իմաստուն և համբերատար կլինեն ուրիշի անհաջողությունների նկատմամբ:

Ջրհոս
Կյանքի առաջին կեսին ձեր ընտրյալը Երկվորյակներն են ու Կշեռքը: Սակայն Երկվորյակներին չեք կարող ձեզ կպած պահել, քանի որ նրանք պետք է զգան ազատությունը: Իսկ Կշեռքի հետ հարկավոր է երկակի խաղ վարել:
Քառասունից հետո փնտրեք Աղեղնավորին կամ Խոյին, ովքեր կստիպեն ձեզ լցվել կրքով: Խոյը պետք է առավել քիչ ուշադրություն դարձնի աշխատանքին:

Ձկներ
Կյանքի զարթոնքին ձեզ երկրորդ կես ընտրեք Խեցգետնին կամ Կարիճին: Հետևեք, որ Խեցգետինն իրեն միակ ընկեր ծնողներին չհամարի, իսկ Կարիճներին չպետք է թույլ տալ սեքսուալ վտանգավոր առաջարկներ:
Երկրորդ կեսին կյանքը կապեք Այծեղջյուրի կամ Ցուլի հետ: Այծեղջյուրի հետ ամուսնությունը բարեհաջող կլինի, իսկ Ցուլին արժե ընդունել իր թերություններով հանդերձ:

loading...